Rhaglen Ddatblygu i Arweinwyr Llythrennedd a Rhifedd
Pwy yw’r gynulleidfa darged?
Mae’r rhaglen ddatblygu hon ar gyfer Arweinwyr Llythrennedd/Rhifedd mewn ysgolion cynradd yn rhanbarth gogledd Cymru. Fel Arweinydd, bydd rhaid i aelodau gael cyfle i arwain blaenoriaeth allweddol Llythrennedd/Rhifedd yng nghynllun datblygu cyfredol yr ysgol.
Pryd a ble?
Bydd un garfan ddwyieithog ar draws y rhanbarth (10 Arweinydd Llythrennedd, 10 Arweinydd Rhifedd). Bydd adnoddau ar gael yn ddwyieithog:
Diwrnod 1: Dydd Mercher, 24 Hydref 2018 – OpTIC, Llanelwy
Diwrnod 2: Dydd Iau, 25 Hydref 2018 – OpTIC, Llanelwy
Diwrnod 3: Dydd Mawrth, 29 Ionawr 2019 – OpTIC, Llanelwy
Diwrnod 4: Dydd Iau, 28 Mawrth 2019 – OpTIC, Llanelwy
Bydd pob diwrnod yn dechrau am 9:00yb ac yn gorffen am 4:00yp. Rhaid i’r aelodau fynychu’r dyddiau i gyd.
Pam?
- Gwella sgiliau arweinyddiaeth aelodau a chapasiti arweinyddol ysgol i wella safonau cyflawniad a chyrhaeddiad pob disgybl mewn Llythrennedd a Rhifedd.
Cynnwys y Rhaglen:
- Bydd aelodau yn rhan o brosiect yn seiliedig ar dystiolaeth yn ystod y rhaglen; bydd gofyn iddynt gadw dyddiadur myfyrio a dangos sut y caiff yr arfer hon effaith ar eu datblygiad personol.
- Rhoddir sylw i’r Safonau Proffesiynol newydd ar gyfer addysgu ac arweinyddiaeth, fydd yn galluogi’r aelodau i fesur a thracio eu cynnydd a’u datblygiad, ac adnabod eu hanghenion i’r dyfodol.
- Caff aelodau ddealltwriaeth glir o’r hyn yw addysgu a dysgu rhagorol, gan gynnwys blaenoriaethau cenedlaethol, defnyddio data yn effeithiol, hunan arfarnu a chynllunio gweithredol.
Y broses:
- Datblygu gwybodaeth/sgiliau yn unol â blaenoriaethau LlC ac Ymchwil Rhyngwladol i Arweinyddiaeth o ran addysgeg effeithiol.
- Drwy arwain Llythrennedd a Rhifedd, eir i’r afael â gofynion y Safonau Proffesiynol ar gyfer addysgu ac arweinyddiaeth.
- Mentora a hyfforddi un i un ac mewn grwp.
- Arfer myfyriol a dysgu ar y cyd.
COFRESTRWCH DRWY G6
