Hyfforddiant rhanbarthol ar gyfer Athrawon Newydd Gymhwyso (ANG), tymor y Gwanwyn 2021

Cofrestru trwy G6

Er mwyn cofrestru i fynychu’r hyfforddiant, bydd angen cyfrif personol yn G6 arnoch.

Oes nad oes gennych gyfrif eisoes, gweler y cyfarwyddiadau yma: https://www.gwegogledd.cymru/cyfarwyddiaduron-g6/

Ymholiadau: ang@gwegogledd.cymru

Canllawiau Ymsefydlu ANG 2021

Bydd y rhestr chwarae hon yn gymorth i chi gwblhau’r cyfnod Ymsefydlu ar gyfer Athrawon newydd Gymhwyso yng Nghymru 2020-21.

Sesiynau hyfforddi / briffio cenedlaethol blynyddol ar gyfer Athrawon Newydd Gymhwyso (ANG) ac athrawon sy’n ymwneud â chefnogi’r broses sefydlu statudol

Yn 2020-21, bydd newidiadau sylweddol i reoliadau sefydlu, a bydd yn bwysicach nag erioed bod pob Mentor Sefydlu ysgol (MS), ANG a Gwiriwr Allanol (GA) yn cymryd rhan mewn sesiwn hyfforddi. Bydd ystod o sesiynau pwrpasol ar gyfer pob rôl.

Dylai ysgolion enwebu MS i fynychu sesiwn hyd yn oed os nad ydyn nhw wedi recriwtio athro a fydd yn ANG ym mis Medi ar hyn o bryd, gan fod y mwyafrif o ysgolion yn cyflogi ANG yn y pen draw ar gontractau rhan amser / amser llawn neu ar gyflenwad tymor byr ar ryw adeg trwy’r flwyddyn academaidd.

Mae’r rheoliadau newydd yn cynnwys newidiadau i rolau a chyfrifoldebau, canllawiau statudol a llywio a defnyddio’r Pasbort Dysgu Proffesiynol. Bydd dealltwriaeth gadarn o’r holl newidiadau hyn yn sicrhau bod gan bob ANG yng Nghymru’r hawl i gefnogaeth ac arweiniad trwy gydol eu cyfnod sefydlu.

Cynhelir y sesiynau’n mewn fformat ar-lein am 2 awr ac fe’u hwylusir gan yr arweinwyr sefydlu rhanbarthol o’r 4 consortiwm. Fe’u trefnwyd yn hyblyg i gynnwys bore, prynhawn, cyfnos ac un dydd Sadwrn fel y gall pawb sy’n rhan o’r broses ddewis y dyddiad a’r amser sydd fwyaf cyfleus iddynt.

Bydd yr hyfforddiant yn cynnwys pecyn darllen paratoadol, gweddarllediad a gweithgareddau dilynol rhanbarthol. Bydd pob MS a GA yn derbyn cyllid ar gyfer eu rhyddhau i gymryd rhan yn yr hyfforddiant a chwblhau’r aseiniadau. Telir costau rhyddhau ar ôl cwblhau’r holl weithgareddau.

Sicrhewch fod pob ANG, MS a GA sy’n gweithio yn eich ysgol yn cael eu rhybuddio am y gwahoddiad hwn i ymuno â’r hyfforddiant perthnasol ar eu cyfer ar y diwrnod a’r dyddiad sydd fwyaf cyfleus iddynt.

Fideos demo y Proffil Sefydlu (CGA)

Canllawiau ANGon – Ebrill 2020

Mae cynrychiolwyr y 4 consortiwm wedi cynhyrchu taflen “cwestiynau cyffredin” a cwpl o fideos i’r ANGon i egluro canllawiau dros dro LlC a ddaeth allan ychydig wythnosau yn ôl.

ANG – Sesiwn Gwybodaeth 2020-21

Adnoddau gweithdy Llythrennedd a Rhifedd CA2 Ionawr 2021

Ar gyfer ymholiadau yn ymwneud â’r rhaglen ddatblygu ranbarthol ar gyfer sefydlu ANG, cysylltwch â:

Ieuan Jones, Cydlynydd y Rhaglen Sefydlu Ranbarthol

ieuanjones@gwegogledd.cymru  /  ang@gwegogledd.cymru

Am fwy o fanylion o fewn pob ALl, cysylltwch â’r Cydlynydd Sefydlu ANG perthnasol: