Rhaglen Datblygu Darpar CALU

RHAGLEN DATBLYGU DARPAR CALU

Rhaglen  genedlaethol newydd yw hon a gydlynir gan gonsortia rhanbarthol, sy’n defnyddio ystod o bartneriaid hwyluso, mewn cydweithrediad ag Awdurdodau Lleol.

 

Cynulleidfa

Nod y Rhaglen Ddarpar CALU uchelgeisiol hon yw cefnogi’r Cynorthwywyr Addysgu mwyaf profiadol sy’n dymuno datblygu eu sgiliau ymhellach a nodi eu parodrwydd ar gyfer Asesiad CALU.

 

Diben

Mae’n rhaglen 4 diwrnod (cyfwerth) a ddarperir dros 2 – 3 thymor ac mae’n archwilio’r safonau proffesiynol newydd yn fanwl. Mae’r rhaglen yn archwilio rôl hanfodol Cynorthwywyr Addysgu wrth gynorthwyo’r disgyblion a’r ysgolion i gyflawni amcanion y Genhadaeth Genedlaethol, Ysgolion fel Sefydliadau Dysgu a datblygu’r Cwricwlwm Newydd.

Ar ôl cwblhau’r rhaglen hon yn llwyddiannus, mae’r Cynorthwywyr Addysgu mewn sefyllfa gref iawn i nodi eu parodrwydd ar gyfer asesiad CALU.

 

Sesiwn Wybodaeth

Gwyliwch y sesiwn wybodaeth cyn ymgeisio 

 https://www.youtube.com/watch?v=vuAKpGTefZI

Dull Cyflwyno

Oherwydd y cyfyngiadau cyfredol, nid yw’n bosibl cynnig rhaglen wyneb i wyneb.

Bydd y rhaglen yn rhedeg rhwng Ionawr 2021 a Medi 2021, gyda dyddiadau penodol i’w trefnu.

Bydd cyflwyno’r rhaglen yn gyfuniad o astudio hunan gyfeiriedig, cefnogaeth ar-lein a gweminarau. Bydd y gweminarau wedi’u cynllunio i fynd i’r afael ag agweddau craidd ar y rhaglen ac i ddelio â chwestiynau. Ni fydd pob gweminar yn para mwy na dwy awr a bydd yn digwydd yn ystod y diwrnod ysgol. Os oes angen, bydd angen i ysgolion ryddhau ymgeiswyr o’u cyfrifoldebau am yr amseroedd hyn, yn yr un modd ag y byddent pe bai ymgeisydd yn mynychu cwrs wyneb i wyneb.

 

Bydd y rhaglen ddatblygu hon yn cynnwys 4 modiwl:

Modiwl 1  Dysgu Proffesiynol, Cyd-destun Cenedlaethol a Chydweithio

Modiwl 2  Dylanwadu ar Ddysgu, Mireinio Addysgu a Chydweithio

Modiwl 3  Hyrwyddo Dysgu a Chydweithio

Modiwl 4  Arweinyddiaeth, Arloesi a Chydweithio

 

Gofynnir i ymgeiswyr gwblhau darnau byr o waith ysgrifenedig am ystod o weithgareddau y maent yn ymwneud â hwy, gan gynnwys gwersi gyda disgybl unigol, grŵp bach a dosbarth cyfan. Gallai gweithgareddau eraill gynnwys pethau fel ymweliadau addysgol, cyfarfodydd a sefyllfaoedd ysgol bob dydd eraill.

Cofnodir y darnau ysgrifennu hyn, Myfyrdod Dysgu Proffesiynol (MDP) trwy gydol y rhaglen ac fe’u cyflwynir ar ôl y sesiwn olaf i gefnogi’r asesiad CALU.

 

Cofrestru

Gellir cyrchu’r rhaglen trwy broses ymgeisio genedlaethol a bydd yn cael ei darparu gan y consortia rhanbarthol a’u partneriaid gan gynnwys Awdurdodau Lleol.

Er mwyn bod yn gymwys ar gyfer y rhaglen HLTA uchelgeisiol rhaid i ymgeiswyr:

  • meddu ar ddigon o brofiad a sgiliau arbenigol i dystiolaethu arfer hynod effeithiol yn erbyn y safonau proffesiynol ar gyfer Cynorthwyo Addysgu.
  • bod â neu yn barod i ennill y cymwysterau lefel 2 gofynnol. (Gall ymgeiswyr heb gymwysterau Lefel 2 wneud cais am y rhaglen hon ond rhaid iddynt gyrraedd Lefel 2 cyn yr asesiad).
  • bod â rhywfaint o brofiad o arwain y dysgu ar gyfer dosbarthiadau cyfan heb bresenoldeb athro cymwys. Efallai y bydd cynorthwywyr addysgu sydd â phrofiad cyfyngedig o hyn yn canfod y gellir trefnu digon o gyfleoedd i addysgu dosbarthiadau o fewn amserlen y rhaglen. Gofynnir i benaethiaid gadarnhau bod ymgeiswyr wedi cael neu y byddant yn cael y cyfleoedd hyn.
  • cael cefnogaeth lawn eu Pennaeth a bydd yn ofynnol iddo gymeradwyo’r cais.

 

Er mwyn gwneud cais i gymryd rhan yn y rhaglen dylai’r unigolyn:

  1. Drafod ei haddasrwydd â’i bennaeth neu ei rheolwr llinell fel sy’n briodol
  2. Cyflwyno ffurflen gais wedi’i chwblhau erbyn y dyddiad cau gan ddefnyddio’r ddolen ymgeisio.

 

 

Dolen Gofrestru

https://forms.office.com/Pages/ResponsePage.aspx?id=Ug4_TzS3ZEGUCRtgHRR5k-2B-cnSAVlEkHSc3Uz23f5UNUU4MlJVNFVJWVhDS0RMOUczUEFJRDE3Qi4u

 

DYDDIAD CAU: 20 TACHWEDD 2020

Os hoffech drafod unrhyw agwedd ar yr uchod, cysylltwch â’ch cydlynydd rhanbarthol fel y manylir isod.

RHANBARTH CYDLYNYDD CYSWLLT
CD Cheryl Roberts Cheryl.Roberts@cscjes.org.uk
GCA Daniel Davies daniel.davies@sewaleseas.org.uk
ERW Heulwen Lloyd heulwen.lloyd@erw.org.uk
GwE Wendy Williams calu@gwegogledd.cymru
hlta@gwenorth.wales

 

 

RHAGLEN GENEDLAETHOL NEWYDD AR GYFER DARPAR CALU [YN ARWAIN AT ASESIAD CALU]

Cynhaliwyd y sesiynau gwybodaeth i gyd bellach.

Cliciwch yma am gopi o’r poster.

Cliciwch yma i lawrlwytho copi o’r Cyflwyniad.

Am fwy o wybodaeth, cysylltwch â:

Ann Grenet
Rheolwr Dysgu Proffesiynol

calu@gwegogledd.cymru

01286 685044